28 September 2026 to 12 December 2026
Faculty of Technical Medical Sciences, University of Medicine, Tirana.
Europe/Tirane timezone
Conference organized by the Faculty of Technical Medical Sciences, University of Medicine, Tirana.

Conference Organizing Commite – Faculty of Technical Medical Sciences, University of Medicine, Tirana

Inflamacioni Kronik Intestinal: Model i Integruar Diagnostik dhe Nutricional

Not scheduled
20m
Conference Hall (Faculty of Technical Medical Sciences, University of Medicine, Tirana.)

Conference Hall

Faculty of Technical Medical Sciences, University of Medicine, Tirana.

Tirana

Description

Hyrje
Inflamacioni kronik intestinal lind nga ndërveprimi ndërmjet disbiozës, dëmtimit të barrierës mukozale, aktivizimit imunitar dhe faktorëve ushqimorë. Rritja e permeabilitetit intestinal lejon kalimin e antigjeneve dhe produkteve bakteriale, duke ushqyer një cikël inflamator që shpesh vazhdon edhe pas largimit të shkakut fillestar. Kompleksiteti i këtyre mekanizmave kufizon qasjen diagnostike tradicionale, e cila përqendrohet kryesisht te simptomat dhe ekzaminimet strukturore. Ai kërkon modele funksionale që identifikojnë faktorët individualë përgjegjës për simptomat dhe progresionin e sëmundjes.
Qëllime/Objektiva
Të paraqitet një model klinik i integruar që kombinon të dhënat laboratorike me vlerësimin nutricional për të orientuar diagnostikimin funksional, trajtimin dhe ndjekjen e pacientëve me inflamacion kronik intestinal, si dhe të vlerësohet dobia e tij në përcaktimin e prioriteteve terapeutike.
Materiale dhe Metoda
Modeli përfshin analizën e mikrobiotës intestinale, testet e intolerancës ushqimore, biomarkerët e inflamacionit sistemik dhe statusin e vitaminave dhe elementëve gjurmë. Këto të dhëna kombinohen me historinë klinike, simptomat gastrointestinale dhe vlerësimin e zakoneve ushqimore. Interpretimi multidisiplinar, me bashkëpunimin e mjekut, nutricionistit dhe specialistit të laboratorit, shërben si bazë për planifikimin e ndërhyrjeve terapeutike dhe nutricionale.
Rezultate
Zbatimi i modelit në praktikën klinike evidentoi se pacientët paraqesin mekanizma të ndryshëm inflamatorë. Këtu përfshihen ndryshimet e mikrobiotës, çekuilibrat mikronutricionalë, reagimet ndaj ushqimeve të caktuara dhe aktivizimi inflamator sistemik. Kombinimi i këtyre faktorëve mund të shpjegojë përgjigjen e pjesshme ndaj trajtimeve standarde. Identifikimi i tyre mundësoi ndërhyrje të përshtatura për secilin pacient, interpretim më të saktë të simptomave dhe vlerësim më objektiv të përgjigjes ndaj trajtimit gjatë ndjekjes.
Konkluzione dhe Diskutime
Qasja e integruar laboratorike dhe nutricionale ofron një kuptim më të plotë të mekanizmave të inflamacionit kronik intestinal. Ky model lehtëson vendimmarrjen klinike, optimizon zgjedhjen e ndërhyrjeve dhe mbështet menaxhimin e individualizuar të pacientëve.
Rekomandime
Rekomandohet përfshirja e modeleve funksionale diagnostike në praktikën klinike. Ato mbështesin terapinë nutricionale të personalizuar, monitorimin objektiv dhe menaxhimin afatgjatë të inflamacionit kronik intestinal. Nevojiten studime prospektive me kampione më të mëdha për të vlerësuar efektivitetin e modelit në terma klinikë.
Fjalë kyçe: inflamacion kronik intestinal; mikrobiota intestinale; disbiozë; biomarkerë inflamatorë; nutricion i personalizuar.

Author

Dr Albana Daka Priftaj (Fithealth Group ,ANNuK)

Presentation materials

There are no materials yet.